:: Tiempos Escuros ::
Pingarates diagnostica maxistral (!), reconociendo, identificando, señalando y desplicándonos a toos la clara, planificada, percuriada y decidida estratexa de los etnocides, a la que nunca nun van renunciar. Ye lo que hai.
Y agora, ¿qué?. Seguiremos falando, ¿non?. ¿Faltándonos/yos, seique?. ¿Echando la vida en Reivindicar y Protestar? (asina, con mayúscules). ¿Sacando de procesión a San Bable pela seronda y rezándo-y a San Onán?. El Xanu'l Caborniu tienlo claro. Escontra la decidida estratexa etnocida; escontra la tiranía de sátrapes prevaricadores; escontra l'arbitrariedá y la humillación constantes; escontra la discriminación y esclusión social de quienes queremos y tenemos derechu a vivir n'asturianu; escontra'l sueñu de la razón y los sos monstruos; escontra'l cinismu y la cobardía; escontra la infelicidá y la tristura na que mos quieren sapozar... cuido que yá ye tiempu d'entamar a adaptanos a Vivir nestos Tiempos Escuros:
- Civil Disobedience (Henry David Thoreau)
- Desobediencia Civil (Francisco Fernández Buey)
Pingarates diagnostica maxistral (!), reconociendo, identificando, señalando y desplicándonos a toos la clara, planificada, percuriada y decidida estratexa de los etnocides, a la que nunca nun van renunciar. Ye lo que hai.
Y agora, ¿qué?. Seguiremos falando, ¿non?. ¿Faltándonos/yos, seique?. ¿Echando la vida en Reivindicar y Protestar? (asina, con mayúscules). ¿Sacando de procesión a San Bable pela seronda y rezándo-y a San Onán?. El Xanu'l Caborniu tienlo claro. Escontra la decidida estratexa etnocida; escontra la tiranía de sátrapes prevaricadores; escontra l'arbitrariedá y la humillación constantes; escontra la discriminación y esclusión social de quienes queremos y tenemos derechu a vivir n'asturianu; escontra'l sueñu de la razón y los sos monstruos; escontra'l cinismu y la cobardía; escontra la infelicidá y la tristura na que mos quieren sapozar... cuido que yá ye tiempu d'entamar a adaptanos a Vivir nestos Tiempos Escuros:
- Civil Disobedience (Henry David Thoreau)
- Desobediencia Civil (Francisco Fernández Buey)
escrito por Xosepin el 11.7.08
3 Comentarios:
El textu nun ye miu. Ta sacao d'esti llibru:
"Llingua estándar y normalización llingüística", David Guardado. Araz Llibros 2008
Casualmente esta selmana atrás tuvi lliendo tamién lo de Desobediencia civil de Henry David Thoreau [en castellano http://upasika.com/docs/emerson/Henry%20Thoreau%20-%20Desobediencia%20civil.pdf]
¡Gracies pola referencia, Pingarates! (yá lu toi mercando). Aunque viniendo'l diagnósticu de David Guardado, tampoco nun m'estraña pa nada la so certeza.
Ye verdá que tamién hai bien de tiempu que-y doi vueltes al tema la Desobediencia Civil: el respetu gánase, nun "se merez"; esto, sabíenlo muncho bien los vieyos -los paisanos- y ye dalgo que nun podemos escaecer. Y visto'l panorama, ye un camín emprunu pel qu'habrá qu'empobinar, sí o sí... nun queda yá otra opción, anque seya namás que por propia dignidá colectiva.
Y venceyando esto al to post más recién, cuido que nestos momentos trabayar por cuntar con una ferramienta política propia ye imprescindible; lo de "unitaria" y lo de "abierta" doilo yá por supuestu a estes altures de la cuelma. Sicasí, nun entro a valorar la comenencia o efeutividá real d'otres opciones (entrismu, etc.), pero cuido que tamién habrán tener el so aquél y nun habríen ser de mano opciones escluyentes
Pero, ¿y si hubiera la posibilidá de qu'esa ferramienta propia formare amás parte integrante (una estaya más) de daqué más fondo y más estensu que valiera p'abellugar ensembre a la xente que queremos y decidimos vivir n'asturianu?... ¿seique una auténtica "rede social", propia y plural, una estructura socio-económica que mos permita salir del tarrén de xuegu que marquen los etnocides, esa reserva india au mos quieren tener acutaos p'acabar d'achuquinanos?; ¿una estructura que, al empar, seya alternativa y valga pa fortalecer y afondar nes rellaciones ente aquellos que mos axuntamos alredor d'unos mesmos iconos identitarios?; ¿y si nún valiente ya imaxinativu actu d'auténtica soberanía optamos por "desterritorializar el país", xenerando asina una verdadera "nación" ("communitas asturiana", que quería Amable Concha) que seya quién pa garantizar la nuesa "pervivencia étnica" frente a los qu'oliven pol nuesu desaniciu nel entornu dafechu hostil nel que vamos tener que trebeyar, mos guste o non?.
¿Nun definimos la intelixencia como la capacidá que tenemos p'adecuanos a situaciones nueves y nun ye dalgo dinámico, que se modifica pola interaición pa col mediu nel que actuamos?.
Gracies otra vuelta, un abrazu y... ¡seguimos trabayando!.
Nun podemos tener como oxetivu algamar un alcuerdu colos etnocides pa que nos dexen vivir con un gotu dignidá ensin frayamos a palos. Esi ye'l camín que siguimos hasta agora y yá vemos cómo nos pintó.
El camín hacia'l nuestru futuru pasa por iguar la nuestra propia nación. Ensin miagar nin negociar "gracies"al poder españolista. Tienes tola razón cuando fales de facer la nuestra ferramienta nun sólo política, sinón social y económica. Axeitar el nuestru espaciu nacional. Tenemos qu'iguar la nuestra rede social, la nuestra estructura social, el NUESTRU ESPACIU na nuestra tierra. Esta reforma de la vergoña marca'l final d'un procesu de trenta años. Abrese un tiempu nuevu pa reflesionar sobre los métodos de llucha, planteamientos nuevos políticos y sociales, idees nueves... Y, por supuestísimo de danos por derrotaos NADA DE NADA.
Un saludu.
Publicar un comentario
<< Home