:: La estratexa de los llimiagos ::
«Me repugna el bable normalizado». El qu'eso dixo esti día a la prensa (LNE, mayu 2003), ye un reputáu profesor del departamentu de Derechu Públicu de la Universidá d'Uviéu y ún de los responsables -si non el principal- del diseñu autonómicu que carez el mio país. El que talo diz, ye ún de los "ideólogos" que diseñaran l'Estatutu d'Autonomía d'Asturies y ún d'esos "comisarios políticos" que, de magar entós, miren pola caltenencia de la eterna inmutabilidá d'un perfechu procesu autonómicu peslláu sobre sí mesmu: «Asturias no necesita reformar su Estatuto para desarrollarse».
El que diz coses tales, ye tamién el responsable de la Llei d'Eleiciones a la Xunta Xeneral del Principáu, una llei disennada a costafecha pa garantizar la partitocracia y la caltenencia de la dinámica bipartidista n'Asturies; una llei que-yos impide a los ciudadanos d'Oriente y Occidente escoyer al so propiu Presidente y qu'afonda entá más na perversidá de les consecuencies de la Llei d'Hont pa cola pluralidá democrática; una llei, en definitiva, pensada pa institucionalizar el triunfu eternu nel mio país d'esta supuesta progresía, usurpadora de la memoria, que representa'l PSOE.
Too ello failo -neto que munchos otros-, abellugáu nuna supuesta independencia intelectual de demócrata confesu y de xurista rigurosu y prudente. Mui bien suavín. Los suavinos falen callandino. Son mui bien prudentes y llandios como llimiagos. Y, como los llimiagos, dexen un rastru llentu per onde pasen. Dame noxu tanta viscosidá ambiental. Nun ye fácil mantenese a flote y alendar ente babes espeses como gargaxos. A la fin, la estratexa de los llimiagos ye enllenalo too col so rastru noxentu. Estos supuestos demócrates intelectuales, críticos ya independientes, a la fin lladren la so verdadera intención:
«Mantengo la opinión que he tenido siempre. Me repugna el bable normalizado. Lo que quise decir es que si el bable es una seña de identidad imprescindible, me lo tendrían que probar, porque yo no lo comparto. Fue una petición de principio. Me parece una pérdida total de perspectiva imaginar que no hay autonomía sin bable y considerarlo obligatorio. ¿Porque lo requiere una minoría? Es un absurdo. La mayoría de la sociedad está con la ley actual y el estatuto jurídico del bable que se contempla en el artículo 4. No hay ninguna maldad intrínseca centraliega. Es la fuerza normativa de los hechos».
Menudu rigor xurídicu. Asina que "la fuerza normativa de los fechos". Asina que, pa según qué coses, ponemos les consignes de los partíos penriba l'Estáu de Derechu. Asina que, dellos asuntos, redúcense namái a que a ún-y repunen o-y dexen de repunar los sones d’una gaita grillera, los quexíos d’un cantaor de flamencu, los trompetazos d’un músicu de jazz, o los ruíos qu’emiten al falar esos gochos (gabachos-alemanes-xudíos-moros-sudaques-bablistes-negros-etc.) de mierda. Asina que sólo ye una custión d’estética. Acabáramos, hom. Muncho bien cool.
Abúltame qu’eso de la "fuerza normativa de los fechos" fiede a argumentu simplayu; un fedor yá de por sigo abondo repunante, sinón fora porque suel coincidir no esencial col argumentu de tolos belicistes y violentos que na Hestoria foran. Y eso sí que repuna, a lo menos a mí.
Voi dexar de llau la custión identitaria, el que se quiera facer o non d’esta llingua una "señá d’identidá" d’Asturies o de la so Ciudá-Astur o del so Paraísu Natural-divinodelamuerte o del so Proyeutu Solidariu coles Cuenques-cagunmimantu. Lo que pasa equí, n’Asturies, y lo que pasa colos ciudadanos que somos falantes d’asturianu, nun ye sólo una custión encuallable y cuantificable en términos de mayoríes-minoríes. Y si asina fora, ¿qué pasa col respetu democráticu qu'habría merecer esta minoría?. El problema que conlleva l'escaecese del conceptu democráticu de ciudadanía cuando a ún-y vien bien y l’estelase énte la divina "Voluntá-Popular-Consagrada-Nes-Santes-Furnies" y na "Fuerza-Normativa-de-los-Fechos" -cuando tamién a ún-y vien bien-, ye que, quiciabes, énte la Llei, dalgunos de los ciudadanos qu’integren esa comunidá supuestamente democrática, acaben resultando más iguales qu’otros, lo que píntame a min que nun diz nada con un Estáu que s'autoproclama a sigo mesmu como Democráticu y de Derechu.
«Me repugna el bable normalizado». El qu'eso dixo esti día a la prensa (LNE, mayu 2003), ye un reputáu profesor del departamentu de Derechu Públicu de la Universidá d'Uviéu y ún de los responsables -si non el principal- del diseñu autonómicu que carez el mio país. El que talo diz, ye ún de los "ideólogos" que diseñaran l'Estatutu d'Autonomía d'Asturies y ún d'esos "comisarios políticos" que, de magar entós, miren pola caltenencia de la eterna inmutabilidá d'un perfechu procesu autonómicu peslláu sobre sí mesmu: «Asturias no necesita reformar su Estatuto para desarrollarse».
El que diz coses tales, ye tamién el responsable de la Llei d'Eleiciones a la Xunta Xeneral del Principáu, una llei disennada a costafecha pa garantizar la partitocracia y la caltenencia de la dinámica bipartidista n'Asturies; una llei que-yos impide a los ciudadanos d'Oriente y Occidente escoyer al so propiu Presidente y qu'afonda entá más na perversidá de les consecuencies de la Llei d'Hont pa cola pluralidá democrática; una llei, en definitiva, pensada pa institucionalizar el triunfu eternu nel mio país d'esta supuesta progresía, usurpadora de la memoria, que representa'l PSOE.
Too ello failo -neto que munchos otros-, abellugáu nuna supuesta independencia intelectual de demócrata confesu y de xurista rigurosu y prudente. Mui bien suavín. Los suavinos falen callandino. Son mui bien prudentes y llandios como llimiagos. Y, como los llimiagos, dexen un rastru llentu per onde pasen. Dame noxu tanta viscosidá ambiental. Nun ye fácil mantenese a flote y alendar ente babes espeses como gargaxos. A la fin, la estratexa de los llimiagos ye enllenalo too col so rastru noxentu. Estos supuestos demócrates intelectuales, críticos ya independientes, a la fin lladren la so verdadera intención:
«Mantengo la opinión que he tenido siempre. Me repugna el bable normalizado. Lo que quise decir es que si el bable es una seña de identidad imprescindible, me lo tendrían que probar, porque yo no lo comparto. Fue una petición de principio. Me parece una pérdida total de perspectiva imaginar que no hay autonomía sin bable y considerarlo obligatorio. ¿Porque lo requiere una minoría? Es un absurdo. La mayoría de la sociedad está con la ley actual y el estatuto jurídico del bable que se contempla en el artículo 4. No hay ninguna maldad intrínseca centraliega. Es la fuerza normativa de los hechos».
Menudu rigor xurídicu. Asina que "la fuerza normativa de los fechos". Asina que, pa según qué coses, ponemos les consignes de los partíos penriba l'Estáu de Derechu. Asina que, dellos asuntos, redúcense namái a que a ún-y repunen o-y dexen de repunar los sones d’una gaita grillera, los quexíos d’un cantaor de flamencu, los trompetazos d’un músicu de jazz, o los ruíos qu’emiten al falar esos gochos (gabachos-alemanes-xudíos-moros-sudaques-bablistes-negros-etc.) de mierda. Asina que sólo ye una custión d’estética. Acabáramos, hom. Muncho bien cool.
Abúltame qu’eso de la "fuerza normativa de los fechos" fiede a argumentu simplayu; un fedor yá de por sigo abondo repunante, sinón fora porque suel coincidir no esencial col argumentu de tolos belicistes y violentos que na Hestoria foran. Y eso sí que repuna, a lo menos a mí.
Voi dexar de llau la custión identitaria, el que se quiera facer o non d’esta llingua una "señá d’identidá" d’Asturies o de la so Ciudá-Astur o del so Paraísu Natural-divinodelamuerte o del so Proyeutu Solidariu coles Cuenques-cagunmimantu. Lo que pasa equí, n’Asturies, y lo que pasa colos ciudadanos que somos falantes d’asturianu, nun ye sólo una custión encuallable y cuantificable en términos de mayoríes-minoríes. Y si asina fora, ¿qué pasa col respetu democráticu qu'habría merecer esta minoría?. El problema que conlleva l'escaecese del conceptu democráticu de ciudadanía cuando a ún-y vien bien y l’estelase énte la divina "Voluntá-Popular-Consagrada-Nes-Santes-Furnies" y na "Fuerza-Normativa-de-los-Fechos" -cuando tamién a ún-y vien bien-, ye que, quiciabes, énte la Llei, dalgunos de los ciudadanos qu’integren esa comunidá supuestamente democrática, acaben resultando más iguales qu’otros, lo que píntame a min que nun diz nada con un Estáu que s'autoproclama a sigo mesmu como Democráticu y de Derechu.
escrito por Xosepin el 19.5.03
0 comentarios
