:: Espaciu Públicu ::
Jürgen Habermas define en “Facticidá y validez” el conceutu d’espaciu públicu como’l «llugar de surdimientu la opinión público, que puede ser manipulao y deformao, pero que constitúi la exa la cohesión social, de la costrucción y llexitimación (o desllexitimación) política». La prestosa Logosfera Asturiana configura un espaciu públicu que concasa muncho bien con esa definición. Esti ye’l nuesu particular espaciu públicu. Un espaciu que trabaya –seique ensin tener mui fonda concencia d’ello-, nesa exa que cohesiona y articula’l nuesu país. Falando n’asturianu y col mirar puestu nel futuru. Desllexitimando políticamente, un día sí y otru tamién, a un establishment estráu de babayos supremacistes. Los mesmos qu’un día fueron quién pa usurpar la memoria d’esti pueblu y qu’anecien dende les sos poltrones en mirar de sapozanos a toos nel so espantible y artificiosu universu, xeneráu a partir d’un penosu procesu de sustitución cultural, cola execución d’un etnocidiu planificáu d’antemano, incluyíes les más fosques estratexes represives.
El nuesu pudiera vese como un espaciu de desllexitimación política, sí; en realidá, somos munchos los que trabayamos por formar parte d’una cada vuelta más poderosa trinchera universal escontra la manipulación. Pero esti ye tamién un espaciu de costrucción, de llexitimación política. Somos tamién nós –los blogues asturianos- los que costruimos Asturies, llexitimándola políticamente, dándo-y conteníu, allugándola nel sieglu XXI. Diz Habermas que «les llibertaes individuales y polítiques dependen de la dinámica que se suscite nesi espaciu públicu». Pa ellos, los de la cara pamesta, los de les declaraciones oficiales, los de les semeyes nos periódicos, los de los “minutos” de televisión, pa toa esa mísere clase política y la so reciella de nuevos cortesanos, sofitada nos votos de milenta analfabetos funcionales –cada vuelta más numberosos-, nós nun esistimos, nun dicimos, nun cuntamos (¿daquién fala asturianu n’Asturies?)... Pero l’articulación d’Asturies como un país dignu, modernu, solidariu, un país de plenes llibertaes individuales y polítiques, depende tamién de nós. De los blogues asturianos. De la dinámica que se suscite nesti espaciu nuestru. Nesto, y non notra cosa, consiste l’exerciciu cotidianu de la democracia.
Por eso, acuerdo con Pingarates en xugar pa facer y visualizar esti espaciu, la nuesa comunidá. Un espaciu únicu, qu’apocayá Trayasgaya cartografió más bien qu’otro poco...
Pingarates propónme un meme, xunta Zarruquina y González y González.
Enunciáu:
Una tipografía
La mio rempuesta: Delicato
Una páxina web imprescindible
La mio rempuesta: Terralingua
Un blogue notra llingua distinta l’asturianu
La mio rempuesta: Profundezas - pt
Y agora, páso-yos esti meme a otros tres blogues pa que sigan la cadena:
Trayasgaya
Atlantic Prau
Mundu Xaime
¡Seguimos na danza!.
Jürgen Habermas define en “Facticidá y validez” el conceutu d’espaciu públicu como’l «llugar de surdimientu la opinión público, que puede ser manipulao y deformao, pero que constitúi la exa la cohesión social, de la costrucción y llexitimación (o desllexitimación) política». La prestosa Logosfera Asturiana configura un espaciu públicu que concasa muncho bien con esa definición. Esti ye’l nuesu particular espaciu públicu. Un espaciu que trabaya –seique ensin tener mui fonda concencia d’ello-, nesa exa que cohesiona y articula’l nuesu país. Falando n’asturianu y col mirar puestu nel futuru. Desllexitimando políticamente, un día sí y otru tamién, a un establishment estráu de babayos supremacistes. Los mesmos qu’un día fueron quién pa usurpar la memoria d’esti pueblu y qu’anecien dende les sos poltrones en mirar de sapozanos a toos nel so espantible y artificiosu universu, xeneráu a partir d’un penosu procesu de sustitución cultural, cola execución d’un etnocidiu planificáu d’antemano, incluyíes les más fosques estratexes represives.
El nuesu pudiera vese como un espaciu de desllexitimación política, sí; en realidá, somos munchos los que trabayamos por formar parte d’una cada vuelta más poderosa trinchera universal escontra la manipulación. Pero esti ye tamién un espaciu de costrucción, de llexitimación política. Somos tamién nós –los blogues asturianos- los que costruimos Asturies, llexitimándola políticamente, dándo-y conteníu, allugándola nel sieglu XXI. Diz Habermas que «les llibertaes individuales y polítiques dependen de la dinámica que se suscite nesi espaciu públicu». Pa ellos, los de la cara pamesta, los de les declaraciones oficiales, los de les semeyes nos periódicos, los de los “minutos” de televisión, pa toa esa mísere clase política y la so reciella de nuevos cortesanos, sofitada nos votos de milenta analfabetos funcionales –cada vuelta más numberosos-, nós nun esistimos, nun dicimos, nun cuntamos (¿daquién fala asturianu n’Asturies?)... Pero l’articulación d’Asturies como un país dignu, modernu, solidariu, un país de plenes llibertaes individuales y polítiques, depende tamién de nós. De los blogues asturianos. De la dinámica que se suscite nesti espaciu nuestru. Nesto, y non notra cosa, consiste l’exerciciu cotidianu de la democracia.
Por eso, acuerdo con Pingarates en xugar pa facer y visualizar esti espaciu, la nuesa comunidá. Un espaciu únicu, qu’apocayá Trayasgaya cartografió más bien qu’otro poco...
Pingarates propónme un meme, xunta Zarruquina y González y González.
Enunciáu:
Una tipografía
La mio rempuesta: Delicato
Una páxina web imprescindible
La mio rempuesta: Terralingua
Un blogue notra llingua distinta l’asturianu
La mio rempuesta: Profundezas - pt
Y agora, páso-yos esti meme a otros tres blogues pa que sigan la cadena:
Trayasgaya
Atlantic Prau
Mundu Xaime
¡Seguimos na danza!.
escrito por Xosepin el 28.3.07
4 comentarios
